Чүйдө абакка баңгизат киргизүүгө аракет кылган жарандар кармалды

Чүйдөгү №16 түзөтүү мекемесине баңгизат алып кирүүгө аракет кылган жарандар кармалды. Бул тууралуу Жаза аткаруу кызматынан кабарлашты.

Маалым болгондой, 16-февралда мекеменин түндүк тарабынан имаратка өтүүгө аракет кылган 28 жаштагы М.У.Э жана 22 жаштагы Ш.Б.Н. аттуу Кыргыз жарандары кармалган.

Анда Хонда-Фит үлгүсүндөгү унаада мекеменин аймагына өткөрүп берүү үчүн даярдалган скотч менен оролгон кара-жашыл түстөгү өзгөчө жыты бар гашиш баңги затына окшош 2 таңгак алынган. Анын жалпы салмагы 719 граммды түзөт.

Бул факты Чүй облусунун Москва РИИБине катталып, кармалгандарга карата тергөө амалдары жүргүзүлүүдө.