Таласта 12 баш жылкы уурдоого шектүүлөр кармалды

Таластан Казакстанга 12 баш жылкыны уурдап өткөрүүгө шектүү 2 жаран кармалды. Бул тууралуу облустук милициядан маалымдашты.

Белгилүү болгондой, 2022-жылдын 6-декабрга караган түнү ​Кара-Буура районунун Ак-Жар айылынын 2 тургунуна тиешелүү 12 баш жылкы уурдалып, Сатыкей айылынын түндүк-чыгыш тарабындагы Кыргызстан менен Казакстанды бөлүп туруучу чек ара белгисинен Казакстан тарапка өтүп кеткендиги кабарланган.

Аталган факты 2023-жылдын 1-январында Кылмыш жазык кодексинин 205-беренеси (уурдоо) менен катталып, тергөө амалдары жүргүзүлүп баштаган.

Кылмышка шектүүлөр 21-февралда колго түшүрүлдү. Алар​ 46 жаштагы Кара-Буура районунун Кара-Сай айылынын ​тургуну Э. уулу М. жана ​ 39 жаштагы Куру-Маймак айылынын ​тургуну​ М.А. экендиги аныкталган.

Учурда тергөө амалдары жүрүүдө.