Бишкекте күйөөсүнө чара көрүүнү өтүнгөн келин милицияга кайрылды

Бишкекте үй-бүлөлүк зомбулук фактысына шектүү жаран кармалып, убактылуу кармоочу жайга киргизилди. Бул тууралуу Свердлов РИИБи тарабынан маалым болду.

Милицияга 25-февралда К.К. аттуу жаран арыз менен кайрылган. Анда ал 24-февралда күйөөсү ага жана 2022-жылы туулган кичинекей баласынын денесине залал келтиргенин айтып, чара көрүүнү өтүнгөн.

Аталган факты боюнча Кылмыш-Жаза кодексинин 138-беренеси (кыйноо) менен кылмыш иши козголгон. Шектүү 35 жаштагы К.Д. кармалып, Бишкек ШИИББинин убактылуу кармоочу жайына киргизилди.

Учурда козголгон кылмыш ишинин алкагында бардык керектүү экспертизалар дайындалды. Тергөө амалдары жүрүүдө.