Иманалиев: "Балбак Түлөбаев бир чындыкты айтсам катуу сынып калат"

Балбак Түлөбаев бир чындыкты айтсам катуу сынып калат. Бул тууралуу билим берүү жана илим министринин милдетин аткаруучу Каныбек Иманалиев парламентте билдирди.

Депутат Элмурза Сатыбалдиев сөзүн жыйынтыктап жатып, Иманаливге кайрылып Балбак Түлөбаевге жакшы сөз айтып коюуну сунуштады.

"Айт десеңиз айтам. Балбак Зарлыкович да кыргыздын мыкты жигити. Бирок бир чындыкты айтсам катуу сынып калат. Мен өзүнө жекече барып айтам", - деди Иманалиев.

Ала арада Түлөбаев Иманалиевди айт деп демитти. Иманалиев айтмакчы болгондо, төрага Нурланбек Шакиев токтотуп калды.

Андан соң Каныбек Иманалиев жыйындан кийин күбөлөрдүн катышуусунда төраганын кабинетинен айтарын билдирди.

Ага чейини эл өкүлү Балбак Түлөбаев билим берүү министринин кызмат ордуна талапкерлиги каралып жаткан Каныбек Иманалиевге президенттик шайлоо учурунда атаандашы Садыр Жапаров тентектик кылып жатканын айтып, Ысык-Көлдүн акскалдарына "алып кеткиле балаңарды" деп билдирүү жасаганын эске салган. Мындан улам экөөнүн ортосунда кайым айтышуу орун алган.