Ысык-Атада 76 жаштагы кемпирдин пенсиядан чогулткан акчасын уурдоого шектелип электрик кармалды

Ысык-Ата районунда пенсинердин акчасын уурдоого шектүү жаран кармалды. Бул тууралуу Чүй облустук ички иштер башкармалыгынын басма сөз кызматы билдирди.

Билдирүүгө ылайык, 2023-жылдын 13-мартында В.И. аттуу 1947-жылы туулган жаран милицияга кайрылган. Арызында ал анын үйүнө электрик кызматын көрсөтүү үчүн келип, анын абалынан пайдаланып, анын пенсиядан чогулткан акчасын алып кеткендигин билдирген.

Аталган факты боюнча кылмыш-жаза кодексинин 206-беренесинин (каракчылык) негизинде кылмыш иши козголгон.

Ыкчам-издөө иш-чараларынын жүрүшүндө бул кылмышка шектүү катары 1985-жылы туулган П.И. аттуу жаран кармалып, убактылуу кармоочу жайга киргизилди.

Учурда тергөө иштери уланууда.