Пакистанда кечээги жер титирөөдөн эки адам каза болду

Очогу Ооганстанда жайгашкан 6,8 баллдык жер титирөөдөн Пакистанда эки адам каза болду. Бул тууралуу чет элдик басылмалар жазышты.

Маалыматка ылайык, Пакистандын Хайбер-Пахтунхва провинциясында чатырлар, дубалдар жана үйлөр урап, эки киши каза болуп, жүздөн ашык жаран жаракат алды. Облустагы дагы сегиз үй жарым-жартылай зыянга учураган.

Күбөлөрдүн айтымында, кеминде 30 секундага созулган катуу жер титирөө Пакистандын көп бөлүгүндө сезилген.

Белгилей кетсек, кечээ, 21-мартта Ооганстанда магнитудасы 6,5ке жеткен жер титирөө катталган. Силкинүү Кыргызстандын көпчүлүк аймактарында дагы сезилди.