Казакстанда Ноорузда бекер палоону талашып жаткандардын видеосу тарады

Социалдык тармактарда Казакстандагы Нооруз майрамынын урматына бекер палоо берилип жаткан видеолор тарады.

Нооруз майрамынын урматына Казакстандын көпчүлүк шаарларында элдерге бекер палоо, боорсок таратылган. Бекер палоону алууну каалагандардын саны көбөйүп, айрым шаарларда бул чыр-чатак менен аяктаган. Көпчүлүк адамдар палоо бир колдонуучу идишке салынып берип жатканына карабастан, баштыкка өз билемдик менен салышкан.

Айрым интернет колдонуучулар адамдар майрамга концерт көрүү үчүн эмес, палоо үчүн келгенин жазышып, сынга алышууда.