Өзгөндөгү жер көчкү саатына эки метр бери жылып жатат

Өзгөндөгү жер көчкү саатына эки метр бери жылып жатат. Бул тууралуу ӨКМдан билдиришти.

Маалымдалгандай, көчкү үйлөргө 20 метрдей жакындады. Жеринде мекеменин куткаруу тобу иш алып барууда.

Эске салсак, 22-март күнү таңга маал Өзгөн районунун Кызыл-Күңгөй тилкесинде болжол менен 1 миллион метр куб жер көчкү түшкөн.

Анын натыйжасында Жалпак-Таш айыл өкмөтүндөгү 18 турак үйгө коркунуч жаралып, Карл Маркс айылынын 195 тургуну Куршабдагы туугандарыныкына жайгаштырылган.

Учурда алар үчүн айылдан 2 чакырым алыстыкта убактылуу жашап турууга чатырлар тигилүүдө.

Белгилеп кетсек, кечээ, 23-мартта аймакка өзгөчө кырдаал киргизилген.