Кантта бөтөлкөлөшүн бычактаганга шектелип үй-жайсыз адам кармалды

Кант шаарында чогуу спирт ичимдигин ичкен жаранды бычактап салганга шектүү адам кармалды. Бул тууралуу Чүй облустук ички иштер башкармалыгынын басма сөз кызматы билдирди.

Билдирүүгө ылайык, окуя 26-мартта болгон. Анда Кант шаарындагы Ленин көчөсүндө 1987-жылы туулган К.В. бычактан алган жаракатынан улам ооруканага түшкөн. Жабырлануучу мас абалында болгон.

Бул факты боюнча кылмыш иши козголгон.

Милиция кызматкерлери бул кылмышка шектүү катары 1967-жылы туулган үй-жайсыз К.Ю. аттуу жаранды кармады. Алдын ала маалымат боюнча шектүү менен жабырлануучу чогуу спирт ичимдигин ичип отурушуп, уруша кетишкен.

Ал убактылуу кармоочу жайга киргизилди.

Учурда тергөө иштери уланууда.