Эдил Байсалов Түштүк Кореянын мурдагы элчисин кабыл алды

Министрлер кабинетинин төрагасынын орун басары Эдил Байсалов Түштүк Кореянын мурдагы элчиси, Чечхон шаарынын азыркы мэри Ким Чанг Гю жетектеген кореялык делегация менен жолукту. Бул тууралуу бүгүн, 30-мартта өкмөттүн маалымат кызматынан билдирди.

Маалыматка ылайык, Эдил Байсалов Чечхон жана Талас шаарларынын ортосунда кызматташтыкты түзүү боюнча келишимге кол коюлганын кубаттап, бул жаңы достук көпүрөсү болуп Кыргызстан менен Корея Республикасынын ортосундагы эки тараптуу кызматташтыкты чыңдоодо маанилүү роль ойнойт деген ишенимин билдирди.

Чечхон шаарынын мэри Ким Чанг Гю кыргыз-корея кызматташтыгы ар түрдүү тармактарда динамикалуу өнүгөт деген ишенимин билдирди.

Жолугушуунун жүрүшүндө тараптар өз ара соода жүгүртүүнү көбөйтүү, Кыргызстандын экономикасына инвестиция тартуу, туризм, айыл чарба тармагындагы кызматташууну жакшыртуу, ошондой эле, жумушчу күчүн тартуу жана студенттерди окутууда алмашуу боюнча маселелерди талкуулашты.