Караколдогу зоопарктын астына арстандын эки баласын байлап кетишти (видео)

Каракол шаарындагы зоопаркка арстандын эки баласын байлап кетишти. Бул тууралуу "Бугу-Эне" коомдук фонду билдирди.

Маалыматка ылайык, зоопарктын кызматкерлери арстандын балдарына Томас жана Аля деген ысым ыйгарган. Арстандын балдарын бага албай койгондор алып келип ташташы мүмкүн.

"Арстандын балдары туура эмес багуудан улам бир топ кыйынчылыктарга дуушар болгон. Аларга күндүн нуру дагы жеткен эмес. Экөөнө чогуу тамак берип багышкан окшойт, Томас Аляга караганда көбүрөөк тамак жеген", - деп билдирди "Бугу-Эне" коомдук фонду.

Ошондой эле коомдук фонд арстандын балдары белекке берилип, бирок алган тарап бага албай койгон болушу мүмкүн деп болжолдошту.