Ошто жергиликтүү тургун "Хизб ут-Тахрир" диний экстремисттик уюмунан баш тартты

Ош облусунун Араван районунун И.Х. аттуу тургуну "Хизб ут-Тахрир" диний экстремисттик уюмунан баш тартты. Бул тууралуу Ош ОИИБинин басма сөз кызматынан билдиришти.

"Менин диний жана тиешелүү билимдерим жоктугунан бирөөлөрдүн чакырыгы мененби же туура эмес азгырыктардын айынанбы "Хизб ут-Тахрир" уюмунун идеясын туура көргөм. Бирок убакыт мезгили таразалап койду. Мен аалымдардын насыяттарын окуп, угуп, милиция кызматкерлердин түшүндүрүү иш-чараларын көрүп, жашоомо, коомго жана үй-бүлөмө көз карашым таптакыр өзгөрдү.

Мен өзүбүздүн салттуу динибизди карманып, биздин коомго, үрп-адатка чоочун келген агымдардан баш тартып жана азыркы мезгилде мен сыяктуу адашып, радикалдык агымдарды тутунган, азгырылган жарандарды, айрыкча жаштарды туура жолдо жүрүүгө чакырып кетем", - деген ал.