Жол тескөөчүлөр "Кудайберген" базарынын айланасын көзөмөлгө алмай болушту

"Кудайберген" базарынын айланасы мындан ары баш аламан унаа токтоткондордон тазалана баштайт. Бул тууралуу Жол кыймылынын коопсуздугун камсыздоо башкармалыгынан билдиришти.

Билдирүүгө ылайык, базардын айланасы учурда унаалар туура эмес жерге токтотулуп, жол эрежелери эң көп бузулган жерлердин бири. Айрыкча ошол базардагы Патриса Лумумбы көчөсүндөгү аялдаманы ошол жердеги жумушчулар ээлик кылып алышкан.

"Бүгүн жол кыймылынын коопсуздугун камсыздоо башкы башкармалыгы ошолордун баарын тазалап, туура эмес токтогон унааларга тийиштүү протоколдорду түзүштү.

Мындан ары ошол аймак жол кыймылынын коопсуздугун камсыздоо башкы башкармалыгынын көзөмөлүндө болот", - деп билдиришти ЖКККББдан.