Осмонов: "Кыргыз-кытай чек арасында жүздөгөн айдоочулар кезекте турат"

Кыргыз-кытай чек арасындагы өткөрмө бекетте жүздөгөн айдоочулар кезекте турушат. Бул тууралуу бүгүн, 19-апрелдеги Жогорку Кеңештин жыйынында депутат Айбек Омонов билдирди.

Анын айтымында, кыргызстандык жүк ташуучу унаалардын айдоочулары Майдан аймагындагы Эркечтам өткөрмө бекетинде үч күндөп кезек күтүп калууда.

"Кыргызстанга өтүү үчүн кезек ушундай көп экен, жүздөгөн айдоочулар турат. Анын негизги себеби биздин бажы кызматкерлеринин таразасы иштебейт экен. Эки таразасы бар имиш, анын бирөөсү эле иштейт экен. Ал жер болгону бир талаа, эч кандай шарт жок", - деди Осмонов.

Ошондой эле ал бажы кызматкерлерин 24 саат бою иштей тургандай кылууну демилгелеп, жүк ташуучуларга колдоо көрсөтүү керектигин белгиледи.