"УКМКнын төрагасы менен таанышмын деп". Ошто алдамчылык кылган жаран кармалды

Ошто УКМКнын төрагасы менен таанышмын деп алдамчылык кылган шектүү кармалды. Бул тууралуу бүгүн, 19-апрелде атайын кызматтан билдиришти.

Такталгандай, шектүү К. уулу О. Кылмыш-жаза кодексинин 209-беренесинин (Алдамчылык) негизинде кармалган.

Ал УКМК төрагасы Камчыбек Ташиев жана анын уулу Т.Т.К. менен жалган тааныштыгынан пайдаланып, И.А.М. аттуу жарандын ишенимине кирип, Кара-Суу районунун Кызыл-Кыштак айыл аймагынын башчысынын орун басары кызматына орноштуруу үчүн 1500 доллар алган.

Жүргүзүлгөн профилактикалык иш-чаралардын натыйжасында К.у.О өз аракетинин кылмыштуулугун түшүнүп, мындан ары мындай аракеттерге барбоого милдеттенген.

Материалдар юридикалык баа берүү үчүн Ош облусунун ички иштер башкармалыгына өткөрүлүп берилери маалымдалды.