Эртең Айт намаз учурунда Бишкектин айрым көчөлөрү жабылат

Эртең, 21-апрелде Айт намаз учурунда Бишкектин борбордук көчөлөрү жабылат. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка ылайык, көчөлөр эртең мененки саат 05:00дөн 09:00гө чейин жабылат.

Алар:

- Фрунзе көчөсүнүн Панфиловдон Тыныстановго чейинки бөлүгү;

- Панфилов көчөсүнүн Чүй проспектисинен Фрунзеге чейинки бөлүгү;

- Тыныстанов көчөсүнүн Чүй проспектисинен Фрунзеге чейинки бөлүгү;

- Чүй проспектисинин Тыныстанов көчөсүнөн Панфиловго чейинки бөлүгү.

Ошондой эле жогоруда айтылган көчөлөргө унааларды токтотпоо керектигин, болбосо унаалар эвакуациялана тургандыгын кошумчалашты.

Белгилей кетсек, Айт намаз эртең эски аянтта окулат.