Бишкекте "Тогуз коргоол" боюнча мелдеш өтүүдө

Бишкек шаарында "Тогуз коргоол" улуттук оюну боюнча мелдеш башталды. Бул тууралуу муниципалитеттен билдиришти.

Маалыматка ылайык, Бишкек шаарынын 145 жылдыгына карата Бишкек шаарынын Дене тарбия, спорт, туризм жана жаштар иштери боюнча департаменти тарабынан "Дасмия" этнокомплексинде "Тогуз коргоол" улуттук оюну боюнча Эл аралык мелдештин ачылыш аземи өттү.

Оюндун максаты жаш спортчулардын улуттук баалуулуктар боюнча билимин жогорулатуу жана дүйнөлүк чемпионатка киргизүүнү көздөгөн оюндун эрежелери менен тааныштыруу болгон.

Спорттук иш-чарага департаменттин директору жана «Дасмия» этнокомплексинин директору катышты.

Мелдештер 18-апрелден 22-апрелге чейин өткөрүлөт. Аларга жалпысынан 121 спортчу катышууда. Алардын ичинен 71 эркек, 50 аял.

Жеңүүчүлөр 22-апрелде аныкталат.