Эртең Бишкекте "Күү күнү" белгиленет. Иш-чаранын программасы

Бишкекте "Салттуу музыка жумалыгынын" алкагында, эртен, 22-апрелде "Күү күнү" белгиленет. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди.

Маалыматка ылайык, иш-чаралар төмөндөгү программанын негизинде өткөрүлөт.

10:00 - Тегерек стол: “Салттуу музыкалык искусство: күйөрмандар жана заман талабы...”;

12:00 - Мастер класс: “Аспапчылык өнөр жана алып жүрүүчүлөр”. Кыргыз Республикасынын Эл артисти, комузчу Зайнидин Иманалиев жана анын шакирттери;

Өтүү орду: И. Арабаев атындагы Кыргыз мамлекеттик университети.

14:00 - Тегерек стол: “Оозеки салттагы профессионалдык музыкалык искусствону окутуудагы маселелер”;

15:30 - Мастер класс: “Санатчылык - дастанчылык өнөр...” Кыргыз Республикасынын Эл артисти Жолболду Алыбаев.

Өтүү орду: Б.Бейшеналиева атындагы Кыргыз мамлекеттик маданият жана искусство университети.

19:00 - Күүлөр... Доорлор баяны (аспапчылардын концерти).

Өтүү орду: “Ынтымак” паркы.