Быйыл Транспорт министрлигине казынадан 18,7 миллиард сом бөлүнөт

2023-жылы Транспорт жана коммуникациялар министрлигине республикалык бюджеттен 18,7 миллиард сом каралды. Бул туурасында Финансы министрлигинин маалыматында көрсөтүлөт.

Анын ичинен:
- 2,3 миллиард - учурдагы бюджеттик каражаттар;
- 1 миллиард - "капиталдык салымдар" беренеси боюнча каралган каражаттар;
- 12,2 миллиард сом – «мамлекеттик инвестициялар» линиясы боюнча каралган каражаттар;
- 3,2 миллиард сом – Жол фондунун болжолдонгон кирешеси.

2023-жылдын биринчи кварталынын жыйынтыгы боюнча Транспорт жана коммуникациялар министрлигине 2,4 миллиард сом каржыланган.

Алар:
- учурдагы бюджеттик каражаттар 1,4 миллиард сом;
- "капиталдык салымдар" беренеси боюнча 216,1 миллион сом;
-«Мамлекеттик инвестициялар» линиясы боюнча 727,3 миллион сом (алдын ала өздөштүрүлгөн).

"Аба ырайынын кескин өзгөрүшүнө байланыштуу бийик тоолуу райондордогу жолдорду тазалоо жана автотранспорттордун үзгүлтүксүз жүрүшүн камсыз кылуу максатыныда каржылоо уюштурулуп, тез арада 50 миллион сом суммасында каржылоо ачылды" деп айтылат маалыматта.