Бишкекте видео жарнама боюнча биринчи республикалык форум өттү

Бишкекте 26-апрелде видео жарнама боюнча биринчи республикалык форум болуп өттү.

Форумда Орусиядан келген “Qvol” компаниясынын жетекчиси Андрей Григорьев видео жарнаманын ар түрдүү этаптарда кандай чечүүчү милдеттерди аткара тургандыгы боюнча жалпы маалымат берди. Андан сырткары видео жарнаманын коомчулуктун аң-сезимине тийгизген таасири жана кардарлардын көңүлүн буруу үчүн колдонулган методдор тууралуу сөз кылды.

Ал эми Шариф Кармо (Qvol) Орусиядагы видео жана тележарнамадагы өзгөрүүлөр боюнча айтып берди.

"TV Media servis" агенттигинин жетекчиси Назар Манасбеков Кыргызстанда көптөгөн жергиликтүү сайттарды камтыган видео жарнама тармагы ачылганын билдирди. Алар super.kg, 24.kg. akchabar.kg, reporter.kg сайттары. Эми мунун баарын кардарлар бир жерден, тагыраагы, “TV Media servis” кызматы аркылуу сатып алса болот.

Иш-чарага жалпы 100дөн ашуун катышуучу келди. Алар Кыргызстандагы ири компаниялардын маркетинг директорлору, жарнама агенттиктеринин жана жалпыга маалымдоо каражаттарынын өкүлдөрү .