Кыргызстандын прокуратурасы оор жоготууга учурады

Кечээ, 26-апрелде прокуратура органдарынын ардагери, юстициянын 1-класстагы кеңешчиси Торопов Леонид Михайлович 88 жаш курагында каза болду. Бул тууралуу Башкы прокуратура кабарлады.

Леонид Михайлович 1935-жылдын 25-февралында Фрунзе шаарында төрөлгөн. 1970-жылы Кыргыз Мамлекеттик Улуттук университетин “укук таануу” адистиги боюнча аяктап, Кыргыз ССРнин Калинин райондук прокуратурасында стажер катарында эмгек жолун баштаган.

"Кесиптешибиз көзөмөл органында жалпысынан 31 жылдан ашуун эмгектенип, аталган жылдар аралыгында Башкы прокуратурада, Фрунзе шаардык жана Кант, Биринчи Май, Сокулук райондук прокуратураларында прокурор, прокурор-криминалист, тергөөчү кызматтарын аркалаган.
Кыргыз Республикасынын прокуратура органдарынын жалпы кызматкерлери маркумдун туугандарына жана жакындарына тереӊ кайгыруу менен көӊүл айтып, аза кайгысын тең бөлүшөбүз", - деп билдиришти Башкы прокуратурадан.