Өмүрбек Текебаев Германиядагы кыргызстандыктар менен жолугушту (фото)

Франкфурт шаарында Кыргызстандын Германиядагы элчиси Өмүрбек Текебаев Германиядагы кыргызстандыктар менен жолугушту. Бул тууралуу Тышкы иштер министрлиги маалымдады.

Жолугушуу кыргызстандыктардын «B.I.Z» («Bildung. Initiative. Zusammenarbeit» - «Билим. Демилге. Кызматташтык») уюмунун жардамы менен болуп ɵттү. Жолугушууга Кыргызстандын Майндагы Франкфурт шаарындагы консулдук агенттигинин консулу Чубак Оморов жана элчиликтин кызматкерлери катышты.

Жолугушууга келген мекендештерди элчи Өмүрбек Текебаев 5-май - Кыргыз Республикасынын Конституция күнү менен куттуктады. Элчи ɵз сɵзүндɵ Германияда окуп жана иштеп жүргɵн кыргыз жаштарына ийгилик каалап, Кыргызстан менен тыгыз байланышта болууга чакырды.

Жолугушуу учурунда Кыргызстандыктардын Германияда болушуна байланышкан ар кандай суроолор боюнча пикир алмашуу болуп ɵттү. Өзʏнʏн мыкты иш-аракети үчүн кыргызстандыктардын «B.I.Z» («Bildung. Initiative. Zusammenarbeit» - «Билим. Демилге. Кызматташтык») уюмунун жетекчиси Асель Сайраан-Дамир жана анын активдүү мүчөсү Азамат Дамир Элчиликтин Алкыш баракчасы менен сыйланды.