Жалал-Абадда май майрамдарына карата милиция күжүрмөн баскычта кызмат өтөйт

1-10-май күндөрү Жалал-Абад облусунун аймагында коомдук тартипти, жол кыймылынын коопсуздугун камсыз кылуу, кылмыштуулуктун жана укук бузуулардын алдын алуу максатында милиция "Жогорулатылган" күжүрмөн баскычта кызмат өтөөгө өткөрүлдү.

Облустук милициядан билдиргендей, 1-майда Жалал-Абад ОИИБинин имаратында өздүк курамга май майрамдары учурунда иш алып баруу боюнча нускамалар өтүлүп, ИИМдин буйругунун негизинде жаӊыдан кызматка дайындалган кызматкерлер тааныштырылды.

"ИИМдин буйругуна ылайык милициянын подполковниги Уланбек Жылкычиев Аксы РИИБинин башчысынын сотко чейинки өндүрүш боюнча орун басары, милициянын майору Мунарбек Мамбеталиев Ноокен РИИБинин башчысынын кадр боюнча орун басары кызматына дайындалды", - деп айтылат маалыматта.