Эскертүү! Тоолуу райондордо кар көчкү түшүүсү күтүлөт

Тоолуу райондордо кар көчкү түшүүсү күтүлөт. Бул тууралуу Кыргызгидромет борбору эскертип, шашылыш билдирүү таратты.

Белгиленгендей, 4-майдан 5-майга чейин күтүлүп жаткан жаан-чачынга байланыштуу өлкөнүн тоолуу райондорунда, ошондой эле унаа жолдордо кар көчкү түшүүcү жана кар күрткүсү күтүлөт, жолдор тайгак болуп муз тоңот.

Жолдордун кооптуу тилкелеринин тизмеси:

• Каракол-Эңилчек унаа жолунун 45-50, 74-86-чакырымдарында (Чоң-Ашуу ашуусу);
• Барскоон-Ак-Шыйрак унаа жолунун 52-68-чакырымында (Сөөк ашуусу).

Унаалардын ортосундагы 500 метр аралык кыймыл чектелиши зарыл.