9-майда Бишкекте өтө турган иш-чаралардын тизмеси

Бишкек мэриясы Улуу Ата Мекендик согуштагы Жеңиштин 78 жылдыгына арналган иш-чаралардын тизмесин жарыялады.

Билдирмеге таянсак, 9-майда "Жеңиш" аянтында Улуу Ата Мекендик согуштагы Жеңиштин 78 жылдыгына арналган митинг-реквием өтөт.

Ал эми калаанын райондорунда өтө турган иш-чаралардын тизмеси:

Ленин району:

8-майда саат 10:00дө Жаш Гвардия бульварында жайгашкан Баатырлар аллеясында курман болгон жоокерлердин эстелигине митинг-реквием жана гүл чамбарларды коюу иш-чарасы өткөрүлөт. 9-майда район башчысы ардагерлердин үйүнө зыярат кылат.

Октябрь району:

9-майда саат 18:00дө “Ынтымак-2” сейил багында шаардыктар үчүн “Жеңиш ырлары” аттуу концерт даярдалат.

Биринчи Май району:

8-майда саат 10:00дө Боордош көрүстөндө жеңишке арналган митинг-реквием өтөт. 9-майда саат 12:00дө Кыргызстан элинин ассамблеясынын алдындагы аянтчада «Гармония» АК борбору майрамдык концерт өткөрөт.

Ал эми Свердлов районунда бүгүн, 4-майда Красный строитель конушунун «Аул паркында» Улуу Ата Мекендик согуштун эстелигине гүл коюу иш-чарасы болду.

Мындан тышкары 9-майда калаада "Өлбөс полк" жүрүшү төмөнкү маршрут боюнча өтөт: Түштүк дарбаза – Абдрахманов-Фрунзе көчөлөрү - "Жеңиш" аянты.