Кыргыз-өзбек чек арасында эки өлкөнүн район башчылары жолукту

Кыргызстандын Баткен районунун акими Учкунбек Жоробаев баштаган тийиштүү жетекчилер менен Өзбекстандын Сох, Риштан райондорунун акимдери жана жергиликтүү күч түзүмдөрүнүн жетекчилери жолугушту. Бул тууралуу SUPER.KG порталына райондук мамлекеттик администрациясынын маалымат кызматы билдирет.

Маалымдалгандай, тараптардын жолугушуусу 4-майда Кыргызстандын "Өтүкчү", Өзбекстандын "Тул" чек ара бекетинде өткөн.

Жолугушууда тараптар чек аралаш аймактарда коомдук саясий абалды туруктуу кармоо, чек ара аймактарында чыр-чатактардын жана кылмыштуулуктун алдын алуу, болтурбоо, чарбалык ирригациялык маселелерди жана эки элдин ортосунда ынтымакты бекемдөө, алаканы күчөтүү, эки тараптуу маданий иш-чараларды өткөрүү тууралуу кеп кылышкан.

Жолугушуу достук маанайда жана өз ара түшүнүшүү деминде өткөн.