9-майда Бишкектин айрым көчөлөрү жабык болот (тизме)

Эртең, 9-майда Бишкек шаарында бир катар көчөлөр убактылуу жабылат. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Белгилүү болгондой, төмөндөгү көчөлөр саат 8:00дөн 11:00гө чейин "Өлбөс полк" жүрүшүнө байланыштуу жабык болот:

-Байтик Баатыр көчөсү түндүктү көздөй А.Токомбаев көчөсүнөн тартып, М.Фрунзе көчөсүнө чейинки бөлүгү;

-Фрунзе көчөсү күн чыгышты көздөй, Ю.Абдрахманов көчөсүнөн тартып, С.Ибраимов көчөсүнө чейинки бөлүгү ;

-Кең Чүй көчөсү күн чыгышты көздөй Тоголок Молдо көчөсүнөн тартып, С. Ибраимов көчөсүнө чейинки бөлүгү.

Жөө жүрүш учурунда Жол кыймылынын коопсуздугун камсыздоо кызматкерлери бардык жол кыймылынын катышуучуларынын коопсуздугун камсыздайт.