Москвада Садыр Жапаров менен Шавкат Мирзийоев жолугушту

Бүгүн, 9-майда президент Садыр Жапаров Москвада Өзбекстандын президенти Шавкат Мирзийоев менен жолугушту. Бул тууралуу өлкө башчынын маалымат кызматынан кабарлашты.

Билдирүүгө ылайык, өлкө лидерлери кыргыз-өзбек эки тараптуу жана көп тараптуу кызматташтыгынын учурдагы абалын жана келечегин талкуулашты.

Ошондой эле биргелешкен өз ара аракеттенүүнү мындан ары тереңдетүү боюнча чаралар тууралуу талкуу жүрдү.

Садыр Жапаров менен Шавкат Мирзийоев Улуу Ата Мекендик согуштагы Жеңиш күнүнүн 78 жылдыгы менен бири-бирин куттукташты.

Мамлекет башчылары Кыргызстан менен Өзбекстандын боордош элдеринин жыргалчылыгы үчүн эки тараптуу өнөктөштүктүн бардык тармактарында достук жана ынак коңшулук мамилелерди мындан ары ырааттуу өнүгүүсүн арттырууга макулдашышты.