Жапаров Насирдин Исановдун 80 жылдыгына арналган күрөш оюндарынын ачылышына катышты 

Министрлер кабинетинин төрагасы Акылбек Жапаров Ош облусуна болгон жумуш сапарынын алкагында Кыргызстандын биринчи премьер-министри Насирдин Исановдун 80 жылдыгына жана Улуу Жеңиштин 78 жылдыгына арналган кыргыз күрөш боюнча мелдештин ачылыш аземине катышты. Бул тууралуу өкмөттүн маалымат кызматынан билдиришти.

Белгилүү болгондой, Жапаров Ош шаарында мамлекеттик ишмер Насирдин Исановдун 80 жылдык мааракесине арналган масштабдуу иш-чаралар өтөрүн белгиледи.

“Насирдин Исанов мага рухий жактан абдан жакын адам болчу. Мыкты стратег, экономика илимдеринин доктору, ал бүт өмүрүн Кыргызстандын элине кызмат кылууга арнаган. Анын ысымы өлкөбүздүн тарыхында түбөлүккө сакталат”, - деген Акылбек Жапаров, мелдешти уюштурган демилгечилерге ыраазычылык билдирди.

Ошондой эле Жапаров турнирдин уюштуруучуларына министрлер кабинетинин и өрагасынын резервдик фондунан бөлүнгөн 200 миң сомдук сертификатты тапшырды.

Белгилей кетсек, мелдештер Ош облусунун Ноокат районундагы “Сахаба” стадионунда өткөрүлдү.