Бишкектик спортчулар эл аралык веложарышта жеңүүчү аталды

Бишкектик спортчулар Казакстанда өткөн "Gran Fondo Giant Kazakhstan" эл аралык веложарышта жеңүүчү аталды. Бул тууралуу шаардык мэриядан билдиришти.

Маалыматка ылайык, веложарышка 200 дөн ашуун анын ичинде Кыргызстандын спорт мектебинен 6 велоспортчу катышты.

Жыйынтыгында эркектер арасында Александр Дядичкин 2-орунду жана жалпы эсепте 3-орунду ээледи. Кыздар арасында Евгения Березовская 2-орунду ал эми жалпы эсепте 3-орунду жеңип алган.

Белгилей кетсек, мелдештер ички жана сырткы туризмди өнүктүрүү, сергек жашоо образын жайылтуу, катышуучулардын спорттук чеберчилигин жогорулатуу, велоспортту өнүктүрүү жана жайылтуу максатында өткөрүлөт.