Төрөбай Зулпукаров: "Кырсыкка күнөөлүү айдоочуларды 15 жылга чейин эркинен ажыратуу керек"

"Кыргызстанда жол жүрүү эрежесин бузган айдоочуларга айып пулдун өлчөмүн көтөрүш керек". Мындай пикирди бүгүн ЖКнын Транспорт, коммуникация, архитектура жана курулуш боюнча комитетинин жыйынында депутат Төрөбай Зулпукаров билдирди. Жол эрежесин бузгандарга айып салуу маселеси 2008-жылдан бери карала электигин айткан депутат "айдоочулар мас абалында рулга отуруудан коркушпайт. Адам өлүмүнө алып келген кырсыкка күнөөлүү айдоочуну 10-15 жылга эркинен ажыратууну сунуштайм. Учурда бул көрсөткүч 7-10 жыл деп көрсөтүлгөн. Айып пулду да 15тен 90 эсептик көрсөткүчкө чейин (9 миң сом) жогорулатууну сунуштайм",- деди ал.