НАТО уюмга мүчө өлкөлөрдү жаңжалга даяр турууга чакырды

НАТО өлкөлөрү мүмкүн болгон чыр-чатакка даяр болушу керек, анткени ал каалаган учурда башталышы мүмкүн. Бул тууралуу уюмдун Аскердик комитетинин башчысы Роб Бауэр билдиргенин РИА Новости жазды.

Анын айтымында, НАТОнун аскердик кызматтары Орусиянын барган сайын агрессивдүү болуп бараткан аракеттерине көз салып турушат. Ошондуктан НАТО мүмкүн болгон чыр-чатакка даяр болушу керек.

"Биз кагылышуу биздин эшигибизди кагышы мүмкүн экенине даяр болушубуз керек. Жаңылбаңыздар, Орусия Украина менен токтоп калбайт. Анын амбициялары Украинанын чегинен алыс. Биз муну Абхазия менен Түштүк Осетияда, ошондой эле Приднестровьеде көрдүк. Орусия кайра-кайра, Украинанын пайдубалын солкулдатып жатат", - деп баса белгилеген ал.

Бауэр январда НАТОнун Орусия менен согушуу коркунучу сакталып турганын эскерткен.