Бишкекте үй тибиндеги бала бакча ачууну каалагандар окуудан өтүүдө

Бишкек шаарында үй шартында бала бакча ачууну каалаган ишкер айымдар үчүн 10-майда окутуу башталды. Бул боюнча калаа бийлиги маалымат таратты.

Анда айтылгандай, аталган программа боюнча Ленин районунда 150дөн ашык, Биринчи Май районунда 90 аял каттоодо турат.

Ишкер аялдарды окутуу №8, 44, 81 жана 28 мектептердин базасында жүргүзүлөт.

Сабактарды саламаттыкты сактоо, өрт коопсуздугу боюнча атайын даярдалган тренерлер, мектепке чейинки билим берүү мекемелеринин педагогикалык курамы үч күн бою өткөрөт. Сабактардын аягында минималдуу шарттар менен үй тибиндеги бала бакча ачууга мүмкүндүк берген сертификаттар тапшырылат.

Белгилей өтсөк, долбоорго кызыккан ишкер айымдар шилтеме боюнча каттала алышат.

"Ошондой эле бул долбоордун алкагында окутуу уруксатсыз иштеп жаткан үйдөгү бала бакчаларды мыйзамдаштырууга шарт түзөрүн эскертебиз" дешти мэриядан.