Жогорку Кеңеш Жамиля Жаманбаеваны Акыйкатчы кылып шайлады

Бүгүн, 17-майда Жогорку Кеңеш Акыйкатчы кызмат ордуна Жамиля Жаманбаеванын талапкерлигин жактырды.

Анын талапкерлигин 48 депутат колдоду. Ал эми экинчи талапкер Бакыт Рысбековго 20 эл өкүлү макул, 1 депутат каршы добуш берди.

Акыйкатчы кызмат ордуна үч талапкер сунушталган.

• Жамиля Жаманбаева ("Ата-Журт Кыргызстан", "Ишеним" фракциялары жана "Мекенчил" тобу сунуштаган)
• - Кулира Кубатова ("Ыйман нуру" фракциясы сунуштаган)
• - Бакыт Рысбеков ("Бүтүн Кыргызстан" фракциясы менен бир мандаттуу округдан шайланган Сеид Атамбаев көрсөткөн)

Белгилей кетсек, 3-майда парламент акыйкатчы Атыр Абдрахматованы мөөнөтүнөн мурда кызматынан бошоткон.