Атыр Абдрахматованын ордуна келген Жамиля Жаманбаева коллективге тааныштырылды 

Кечээ, 18-майда Жамиля Жаманбаева Акыйкатчы институтунун борбордук аппаратынын жамаатына жаңы акыйкатчы катары тааныштырылды. Бул тууралуу Акыйкатчы институту маалымдады.

Жаңы Акыйкатчынын жамаатын вице-спикер Нурбек Сыдыгалиев тааныштырган. Сыдыгалиев кызматкерлерге жана Акыйкатчыга адам укуктарын коргоо жаатында ийгиликтүү жана жемиштүү иш каалаган.

"Жаңы Акыйкатчы Жогорку Кеңештин депутаттарына ишеним көрсөткөнү үчүн ыраазычылык билдирип, команда менен биргеликте Акыйкатчы институтунун адам укуктарын жана эркиндиктерин коргоого багытталган ишин күчөтүү ниетин билдирди", - деп жазылат билдирүүдө.

17-майда Жогорку Кеңеш Акыйкатчы кызмат ордуна Жамиля Жаманбаеванын талапкерлигин жактырып, аны Акыйкатчы кылып шайлашкан.