Орусияда Армениядан келген жаран кыргызстандыктын кызына ыплас иш-аракеттерди жасаган. Ал кармалды

Санкт-Петербургда Армениянын жараны 14 жаштагы кыргызстандык өспүрүм кызга карата ыплас иш-аракеттерди жасап жүргөнү аныкталды. Бул тууралуу орусиянын "Оперативное прикрытие" басылмасы жазып чыкты.

Маалыматка караганда, 19-майда 36 жаштагы кыргызстандык аял полицияга кайрылган. Анын айтымында, 22-апрелде Алтайская көчөсүндөгү оюн аянтчасында 26 жаштагы Армениянын жараны 14 жаштагы кызына карата ыплас иш-аракеттерди жасаган.

Шектүү ошол эле күнү Орусиянын кылмыш-жаза кодексининин 135-беренеси (Адепсиз жоруктар) менен кармалып, убактылуу кармоочу жайына киргизилген.

Учурда бул боюнча тергөө иштери жүрүп жатат.