Оштогу стадион капиталдык ремонттон өтүүдө. 12 миң 500 отургуч алмаштырылат

Кечээ, 23-майда калаа башчы Бактыбек Жетигенов А.Сүйүмбаев атындагы борбордук стадиондо башталган капиталдык оңдоо иштеринин жүрүшү менен таанышты. Бул тууралуу Ош мэриясынын басма сөз кызматынан билдирди.

Маалыматка ылайык, стадиондо долбоор боюнча, 12 миң 500 көрүүчүгө ылайыкташкан отургучтардын баары толугу менен алмаштырылып, административдик имаратынын сырты жаңыланат. Ошондой эле футбол оюнчулары үчүн кийим алмаштыруучу жана душ бөлмөлөрү толук оңдолот.

"Калаа башчысы Бакытбек Жетигенов стадион оңдоп-түзөөдөн өткөндөн кийин үлгүлүү спорттук жайга айланышы керектигин баса белгилеп, жумуштарды белгиленген мөөнөттө сапаттуу бүткөрүү боюнча тиешелүү кызматтарга милдеттенмелерди койду", - деп билдирди мэриядан.

Маалыматка ылайык, оңдоо иштери ушул жылдын 31-августуна чейин бүткөрүлөт.