"Карызымдан кантип кутулам?" деген "Батуми" кафесинин ээси экскаватордун астына туруп алды

Бүгүн, 24-майда Бишкектин "Жал" кичи районундагы "Батуми" кафеси сүрдүрүлүүдө.

Мэрия аталган кафеге 17-майда эскертүү берилгенин, бирок эскертилген талап аткарылбаганын билдирди.

Кафенин ээси кафени сүрдүрүп баштаганы жаткан экскаватордун алдына туруп алды. Анын айтымында ал бул жерди сатып алып, карызга акча алып кафени салдырган.

"Мен бул жерди уурдап алган эмесмин, мен бул жерди сатып алгам. Оңой акчага сатып алган эмесмин. Андан кийин көрүнгөндөн акча чогултуп жүрүп салдыргам, үйлөрүмдү сатып бүт баарын жасагам. Эми мен карыздардан кантип кутулам? Мындан ары пайдага кирем деп сүйүнүп отургам", - деп ыйлады кафенин ээси.