Ушул дем алыш күндөрү Садыр Жапаров баштаган аткаминерлер футбол ойнойт

Президент Садыр Жапаровдун катышуусу менен салтка айланган кезектеги "Мурас" футболдук турнири өтөт. Бул туурасында мамлекет башчынын маалымат катчысы Эрбол Султанбаев билдирди.

Ага ылайык, оюндар ушул дем алыш күндөрү, 27-28-майда болот.

Буга чейин чүчү кулак кармоонун жыйынтыгында тайпалар төмөндөгүдөй аныкталган:

* А тайпасы: “Президенттин командасы”, “Фемида”, “Ыйман”, “Алга”;

* В тайпасы: “Спорттук федерациялар”, “Жогорку Кеңеш”, “Ден соолук”, “Аймактар”;

* С тайпасы: “Коопсуздук”, “Бизнес”, “Спорт жылдыздары”, “Билим”;

* D тайпасы: “Достук”, “Өнөр”, “Курултай”, “Журналисттер”.

Оюндар “Газпром” ден соолук чыңдоо комплексинде (А жана В тайпалары) жана Кожомкул атындагы Спорт сарайында (C жана D тайпалары) өтөт.

Маалыматка ылайык, оюнду УТРК (А жана В тайпалары) жана ЭлТР (C жана D тайпалары) телеканалдарынан түз эфирде көрсөтүлөт. Көрсөтүү саат 10:00дө башталат.

Эрбол Султанбаев турнирди көрүүнү каалагандар үчүн эшик ачык экендигин кошумчалады.