Токмокто 28 жаштагы жаран уурулукка шектелип кармалды 

Токмокто тургундун үйүнө уурулукка кирген шектүү жаран кармалды. Бул тууралуу Чүй ОИИББинен билдиришти.

Маалыматка ылайык, Токмок ШИИБине аталган шаардын тургуну К.К. арыз менен кайрылган. Ал арызында 12-майга караган түнү саат 03:00 чамасында үйүнө кирип 2 телефону жана акчасын уурдап кеткен белгисиз жарандарга карата чара көрүүнү суранган.

Бул факты боюнча Кылмыш-жаза кодексинин 205-берене (уурулук) менен кылмыш иши козголгон.

Ыкчам-издөө иш-чараларынын жыйынтыгында, кылмышка шектелип 1995-жылы туулган Ф.Б. кармалып, убактылуу кармоочу жайга киргизилген.

Учурда тергөө иши уланууда.