Орусиянын учактары Украинанын күч бригадасы жайгашкан пункттарга чабуул жасады 

Орусиянын учактары Украинанын 1-атайын күчтөрүнүн бригадасын жайгаштыруу пункттарына бомба жана ракета менен сокку урду. Бул тууралуу РИА Новости басылмасына "Запад" аскерлер тобунун басма сөз борборунун башчысы, полковник Сергей Зыбинский билдирген.

"Топтун учактары 1-атайын бригаданын убактылуу жайгаштырылган пункттарына, 14 жана 92-өзүнчө механикалаштырылган бригадалардын жана аймактык коргонуу бөлүктөрүнүн жеке курамы, курал-жарак жана аскердик техникасы топтолгон аймактарга ракеталык жана бомбалык соккуларды жасады", - дейт ал.

Зыбинскийдин айтымында, Купянск багытында "Акация" жана "Мста-С" замбиректери Старица жана Вишневое калктуу конушундагы душмандын эки миномёттук экипажын жок кылган. Андан соң Лозовая жана Западная конуштарындагы Д-20 жана Д-30 замбиректери артиллериялык аткылоо менен жок кылынды.

Эске салсак, кечээ, 30-майда эртең менен Орусиянын борбору Москва шаарына учкучсуз учуучу аппараттар менен чабуул жасалган.

Ал эми Орусиянын президенти Владимир Путин украиналык учкучсуз учактардын Москвага чабуулун теракт деп баалай турганын билдирген.