УКМК кыргыз-казак чек ара өткөрүү пунктунда унаалардын топтолушу боюнча маалымат берди

Кыргыз-казак чек ара өткөрүү пункттары штаттык режимде иштеп жатат. Бул тууралуу УКМКнын Чек ара кызматы тарабынан белгилүү болду.

Маалыматка ылайык, бүгүн, 5-июнда “Ак-Тилек автожолу” өткөрмө түйүнүнүн алдында унаалардын топтолуп жатканы тууралуу маалымат такталган.

Өткөрүү пунктунун жанында жүк ташуучу унаалардын топтолушу Кыргызстандан башка өлкөлөргө айыл чарба продукциясын экспорттоонун сезондук өсүшү менен байланыштуу экени айтылат.

"Чек аранын кыргыз-казак чек арасынын башка өткөрүү пункттарында адамдардын жана унаалардын топтолушу катталган жок" деп жазылат маалыматта.

Белгилей кетсек, УКМКнын Чек ара кызматы тарабынан жүк ташуучу унаалар үчүн чек ара көзөмөлүнөн өтүүдө эч кандай чектөө жок. Чек ара кызматына айдоочулар менен жүк ташуучулар тарабынан даттануулар жана дооматтар катталган эмес.