Бишкекте мамлекеттик ишмер Дооронбек Садырбаевдин эстелиги орнотулду

Бүгүн, 5-июнда Бишкекте белгилүү кинорежиссёр, жазуучу, мамлекеттик жана коомдук ишмер Дооронбек Садырбаевдин эстелигин ачуу аземи болду. Бул тууралуу парламенттин басма сөз кызматынан билдирди.

Маалыматка караганда, залкардын элеси түшүрүлгөн эстелик Октябрь кинотеатрынын жанына орнотулду.

Салтанатка Жогорку Кеңештин төрагасы жана депутаттар, Мамлекеттик катчы Сүйүнбек Касмамбетов, УКМКнын төрагасы Камчыбек Ташиев, маданият, маалымат, спорт жана жаштар саясаты министри Алтынбек Максүтов баштаган жетекчилер, залкар таланттын замандаштары, туугандары жана шакирттери катышты.

Эскерте кетсек, Кыргыз Республикасынын Баатыры Дооронбек Садырбаев 2008-жылы 69 жашында каза болгон. Көзү тирүү болгондо быйыл ал 84 жашка чыкмак.