Таалатбек Масадыков Улуу Британиянын тышкы иштер министринин орун басары Лео Докерти менен жолугушту

Президенттин өзгөчө тапшырмалар боюнча атайын өкүлү Таалатбек Масадыков Улуу Британиянын тышкы иштер министринин орун басары Лео Докерти менен жолугушту. Бул тууралуу президенттин маалымат кызматы билдирди.

Маалыматка ылайык, бүгүн, 5-июнда Таалатбек Масадыков Улуу Британиянын тышкы иштер министринин орун басары Лео Докерти жана Улуу Британиянын Кыргызстандагы элчилигинин убактылуу ишенимдүү өкүлү Шарлотт Сурун менен жумушчу жолугушуу өткөрдү.

"Жолугушууда аймактык коопсуздук, Ооганстанда учурдагы кырдаалдын өөрчүшү боюнча актуалдуу маселелер, атап айтканда потенциалдуу коркунучтар жана тобокелдиктер менен байланышкан маселелер талкууланды. Ошондой эле эки тараптуу мамилелер жана Кыргызстандын экономикасына британиялык инвестицияларды тартуу маселелери козголду", - деп айтылды маалыматта.

Ага ылайык, Кыргызстандын Тышкы иштер министрлигинин Ооганстан боюнча атайын өкүлү элчи Авазбек Абдуразаков да катышты.