Таңга маал Кара-Балта суусунан 15 жаштагы кыздын сөөгү табылды

Бүгүн, 6-июнь күнү таңга маал саат 06:30 чамасында Кара-Балта дарыясынан изделип жактан кыздын жансыз денеси туугандары тарабынан суудан табылды. Бул тууралуу Өзгөчө кырдаалдар министрлиги кабарлады.

Маалым болгондой, 5-июнь күнү саат 18:38 чамасында Чүй облусунун Жайыл районунда Бишкек-Ош унаа жолунун болжол менен 97-чакырымында агып өткөн Кара-Балта дарыясына 2008-жылы туулган А.Э. аттуу жаш кыз түшүп кеткендиги тууралуу маалымат түшкөн.

5-июнь күнү жерине Жайыл райондук №22 өзгөчө кырдаалдар бөлүмүнөн 4 куткаруучу тартылып, бирок издөө иштеринен жыйынтык болгон эмес.

Бүгүн издөө иштерин улантуу максатында ӨКМнын Куткаруучуларды даярдоочу мамлекеттик борборунан 6 суучул тартылган.