Бишкекте сугат лотокторун орнотуу иштери аяктап жатат

"Бишкек суу чарба" муниципалдык ишканасы учурда сугат суу үчүн ирригациялык лотокторду орнотуу иштерин аяктап жатат. Бул тууралуу мэриядан кабарлашты.

Маалыматка ылайык, "Бишкек суу чарба" муниципалдык ишканасы №6, 8, 11, 4-кичи райондорго Б2-2 үлгүсүндөгү сугат темир-бетон ирригациялык лотокторун орнотту. Аталган лотоктор секундасына 35-40 литр суу өткөрүүгө жөндөмдүү.

Белгилей кетсек, орнотулган лотоктун жалпы узундугу 564 погондук метрди түзөт. Мындан тышкары калаа мэриясы шаар тургундарынан магистралдык каналдарга, ирригацияларга жана коллектордук-дренаждык түйүндөрдөргө таштанды таштабоону суранды.