Бишкек мектептеринде жайкы лагерлер салтанаттуу ачылды (фото)

Бишкек мектептеринде жайкы лагерлер салтанаттуу ачылды. Бул тууралуу калаа мэриясынын маалымат кызматынан билдиришти.

Кабарлангандай, мектеп алдындагы лагерлер ишин 5-июндан 30-июнга чейин жүргүзөт. Жалпы 39 мектепте лагерь уюштурулса, анын 34ү тамак менен камсыздалган. Лагерлер саат 8:00дөн 14:00гө чейин иштеп, 4 миң 285 окуучуну камтыйт.

Мектеп лагеринде балдар ийримдик иштер менен алектенүүгө мүмкүнчүлүк алышат. Анда маданий саякаттар, спорттук оюндар, сынактар жана башка көптөгөн иш-чаралар уюштурулат. Балдардын чыгармачылык борборлору 71 ийримдин ишин уюштурду.

Ар бир мектеп лагерине медициналык кызматкер, жашы жете элек балдар менен иштөө инспектору бекитилип, балдардын коопсуздугу мектептин коопсуздук кызматы тарабынан да камсыздалат.