Санарип министрлиги: "Жарандар чет өлкөгө чыгуу алдында карыздарын текшертүүсү зарыл"

Санариптик өнүктүрүү министрлиги Кыргызстандан сыртка чыгууну пландаган жарандарга милдеттүү түрдө соттук аткаруучулар линиясы боюнча карыздарынын бар экендигин текшерүүнү эскертти.

Министрликтин басма сөз кызматы билдиргендей, өлкөдөн сыртка кетип жаткан жана жалпысынан укуктук мамилелерди жүзөгө ашырган жарандар онлайн форматта сот кызматкерлеринин линиясы аркылуу карызын оңой текшерсе болот. Ал үчүн:

1. Электрондук кызмат көрсөтүүлөрдүн мамлекеттик порталына кирүү portal.tunduk.kg;

2. "Соттук аткаруучулардын линиясы боюнча карыздардын бар экендигин текшерүү (авторизациясыз)" кызматын тандоо;

3. Жеке идентификациялык номерди киргизип, "текшерүү" басуу керек.

Министрликтин маалыматына караганда, карыздарды өз убагында төлөбөө кыймылдуу жана кыймылсыз мүлккө камак салуу, өлкө аймагынан чыгууга чектөө коюу, банктык эсептерди бөгөө, ошондой эле мыйзамда каралган башка жоопкерчиликке алып келиши мүмкүн.