Бишкектеги Ботаникалык бакта өспүрүмдү бычактап кетишти

Бишкек шаарынын Октябрь ройондук ички иштер башкармалыгынын кызматкерлери ден соолугуна оор залал келтирүүгө шектүү жаранды кармашты. Бул тууралуу райондук милициядан билдиришти.

Маалыматка ылайык, ушул жылдын 9-июнунда милицияга А.Э. аттуу жаран кайрылган. Анда саат 22:20 чамасында Ботаникалык бакчада Н.А. аттуу уулун бычактап өлтүргөн белгисиз адамга чара көрүү өтүнүчүн жазган. Бул факты боюнча Кылмыш-жаза кодексинин 130-беренесинин (Ден соолукка оор залал келтирүү) негизинде кылмыш иши козголгон.

"Шектүү катары 2007-жылы туулган А.Р. аттуу жаран кармалып, убактылуу кармоочу жайга киргизилди. Бишкек шаарынын Октябрь райондук соту шектүүнү 2 айга камакка алуу чечимин чыгарды", - деп билдирди мекемеден.

Учурда кылмыш ишинин алкагында бардык тиешелүү экспертизалар дайындалып, тергөө иштери улантылууда.