Бишкек көчөлөрүндө жол чийиндери жаңыланууда (фото)

"Бишкекасфальтсервис” муниципалдык ишканасы жол чийиндерин жаңылоодо. Бул туурасында калаа мэриясынын маалымат кызматы билдирет.

Белгиленгендей, учурда А.Токомбаев көчөсүн бойлой Чортеков көчөсүнөн 7-Апрель көчөсүнө чейин жана Масалиев көчөсү менен Байтик Баатыр көчөсүнөн Манас проспектисине чейинки түз жана үзүк-сызыктардын боёгун жаңылоо иштери жүргүзүлүүдө.

Ушундай эле жумуштар А.Токомбаев көчөсү менен Чортеков көчөсүнөн Манас проспектисине чейин, Фучик көчөсү менен Аска-Таш көчөсүнөн Жибек Жолу проспектисине чейин жана Профсоюз көчөсү менен Фучик көчөсүнөн П.Лумумба көчөсүнө чейин бүткөрүлдү.

"Шаардыктардын жана борбор калаанын конокторунун ыңгайлуулугу үчүн Щербаков көчөсүн бойлой М.Ганди көчөсүнөн Элебесов көчөсүнө чейин жана Токомбаев – Шералиев, Токомбаев – Кара-Кужур, Токомбаев – Репин көчөлөрүнүн кесилишиндеги жөө адамдар өтүүчү жол чийиндери жаңыланууда"- деп айтылат билдирүүдө.

Ошондой эле оңдоп-түзөөдөн кийин Сыдыков көчөсүнө, Кой-Таш чолок көчөсүнө, Пархоменко көчөсүнө жана Новгородская көчөсүнө жол сызыктары чийилди.

Мындан тышкары, Ч.Валиханов көчөсүн бойлой ИИМ Академиясынын маңдайына добуш чыгарган чийиндер (шумовые полосы) тартылды.